रोवण आली दुखड़ा तेरा,
सुणकै जाऊंगा,
के संकट से मनै बता दे,
ईब मिटाऊंगा,
के संकट सै मनै बतादे,
ईब मिटाऊँगा,
रोवण आली दुखडा़ तेरा।।
अर्ज लगाते तनै मेरी,
हो लिये बारह साल,
मेरी भी मजबूरी थी,
तू होगी इतनी काल,
नियम तोड़ कै बता लाडली,
मै क्यूकर आऊंगा,
के संकट सै मनै बतादे,
ईब मिटाऊँगा,
रोवण आली दुखडा़ तेरा।।
देर होवै अन्धेर नही मै,
सूणता सबकी बातां नै,
सारे जगत का ध्यान राखणा,
पडै़ सै बेटी नाथां नै,
सब भगतां की ढाल,
तेरा भी साथ नीभाऊँगा,
के संकट सै मनै बतादे,
ईब मिटाऊँगा,
रोवण आली दुखडा़ तेरा।।
करी तपस्या बेटी तनै,
तू पास होगी हे,
भग्ति भजन करण आली,
तू खास होगी हे,
बाँट मिठाई खुश हो आज,
मै खाकै जाऊँगा,
के संकट सै मनै बतादे,
ईब मिटाऊँगा,
रोवण आली दुखडा़ तेरा।।
लेज्या आशिर्वाद सदा,
तू मौज उडा़वैगी,
अन्न,धन म्ह तेरै बरकत,
बेटे पोत्ते खिल्हावैगी,
गजेन्द्र स्वामी कुड़लणीये के,
मै लाड लडाऊँगा,
के संकट सै मनै बतादे,
ईब मिटाऊँगा,
रोवण आली दुखडा़ तेरा।।
रोवण आली दुखड़ा तेरा,
सुणकै जाऊंगा,
के संकट से मनै बता दे,
ईब मिटाऊंगा,
के संकट सै मनै बतादे,
ईब मिटाऊँगा,
रोवण आली दुखडा़ तेरा।।
गायक – लक्की शर्मा पिचौलिया वाले।
लेखक – गजेन्द्र स्वामी कुड़लाण वाले।।
9996800660
