छोटी सी उमरिया में,
मीरा बाई ने हरी मिल्या जी,
आज मीरा ने मिल गयो,
मिल गयो गाया रो ग्वाल।।
साधा री संगत,
मीरा बाई छोड़ दो जी,
आज मेरतली रहवो,
रहवो सहेलिया रे साथ,
छोटी सी उमरिया मे,
मीरा बाई ने हरी मिल्या जी।।
साधा री संगत राणा,
महासे ना छूटे जी,
आज राणो जी छोड्या,
छोड्या सहेलिया रा साथ,
छोटी सी उमरिया मे,
मीरा बाई ने हरी मिल्या जी।।
भगवा तो कपडा,
मीरा बाई छोड़ दो जी
आज मेरतली पहरो,
पहरो चित्रेडया रो चीर
छोटी सी उमरिया मे,
मीरा बाई ने हरी मिल्या जी।।
भगवा तो कपडा राणो,
महासे ना छूटे जी,
आज राणो जी छोड्या,
छोड्या चित्रेडया रा चीर,
छोटी सी उमरिया मे,
मीरा बाई ने हरी मिल्या जी।।
कंठी तो माला,
मीरा बाई छोड़ दो जी,
आज मेरतली पहरो,
पहरो नौलख हार,
छोटी सी उमरिया मे,
मीरा बाई ने हरी मिल्या जी।।
कंठी तो माला राणो,
महासे ना छूटे जी,
आज राणो जी छोड्या,
छोड्या नौसर हार,
छोटी सी उमरिया मे,
मीरा बाई ने हरी मिल्या जी।।
बा गाया बोली,
मीरा बाई नै तोल ली जी,
आज मीरा नै मिलगयो,
मिलगयो नन्द किशोर,
छोटी सी उमरिया में,
मीरा बाई ने हरी मिल्या जी।।
फीका पड़ गया नैन,
फर्क बोली में पड़ गयो रे,
के गिरधर जादू करगयो रे,
जादू करगयो, जादू करगयो,
जादू करगयो रे,
के गिरधर जादू करगयो रे,
मंदिर जाती मीरा नै,
साँवरियो मिल गयो रे,
के गिरधर जादू करगयो रे।।
मीरा नै राणो समजावे,
बड़ा घरा री रीत बतावे,
कुल के लागे दाग,
पति जीवतदो मर गया रे,
मंदिर जाती मीरा नै,
साँवरियो मिल गयो रे,
के गिरधर जादू करगयो रे।।
Upload By – Himalay Joriwal
