बाबा ना चाहिए कुछ और,
मेरे लाल लंगोटे आले हो।।
तनै भरदी ठाडी झोली हो,
तनै करदी किस्मत सोली हो,
जुड़ी दिल तै दिल की डोर,
मेरे लाल लंगोटे आले हो।।
तनै ठा छाती कै लगा लिया,
मेरा सोया भाग यो जगा दिया,
तनै इतना करा सै गोर,
मेरे लाल लंगोटे आले हो।।
तेरे हाथ मैं सै पतवार मेरी,
एक आस तू पवन कुमार मेरी,
चाहे ले जाओ जिस ओर,
मेरे लाल लंगोटे आले हो।।
यो ‘नरेंद्र कौशिक’ दास तेरा,
‘विवेक’ के मन मैं वास तेरा,
‘डांगी’ के दिल का तू चोर,
मेरे लाल लंगोटे आले हो।।
बाबा ना चाहिए कुछ और,
मेरे लाल लंगोटे आले हो।।
गायक – नरेंद्र कौशिक जी।
Upload By – Hannu Dangi
