मनै बेटा कह कै कद बोलेगी,
बता दे काली माँ।।
जै मेरी भक्ति सच्ची सै तू,
प्रसन होजा नै,
तड़प रहा सै तेरा लाडला,
दर्शन देजा नै,
मेरी भक्ति नै तू कद तोलेगी,
बता दे काली माँ।।
जग से नाता तोड़ कै मईया,
तुमसे नाता जोड़या,
कौन सी होगी भूल मेरी क्यूं,
मुझसे मुखड़ा मोड़या,
यो भेद मेरा तू कद खोलेंगी,
बता दे काली माँ।।
रूठ जावै सै जिसकी मां उस,
बेटे का के जीना,
एक एक पल मनै मुश्किल हो री,
मईया तेरे बिना,
मेरे लाड़ लड़ा कै कद मोह लेगी,
बता दे काली माँ।।
हरिसिंहपुरिया तेरी याद में,
रोया सै दिन रात,
एक तू ही मनै साची लागै,
बाकी झूठी बात,
सुमित के सिर पै कद खेलेगी,
बता दे काली माँ।।
मनै बेटा कह कै कद बोलेगी,
बता दे काली माँ।।
– गायक / लेखक / प्रेषक –
सुमित स्वामी हरिसिंहपुरिया।
8930042467
