थाने नितरा जोडां हाथ,
म्हारा बाबा भैरवनाथ,
थारो तोलियासर धाम,
प्यारो लागे महाराज,
मनड़ो लाग्यो ओ भेरूजी,
थारे चरणां में।।
आवे आवे रविवार,
जाऊं बाबे रे दरबार,
बाजे झालर शंख नगारा,
लागे जोत रा दर्शन प्यारा,
कोई श्वान री सवारी,
बैठो दिखे भेरू नाथ,
मनड़ो लाग्यो ओ भेरूजी,
थारे चरणां में।।
बाबा नाथां रा थे नाथ,
परचा देवो हाथों-हाथ,
बाबा सब दुखड़ा हर लेवो,
बेटा बांझड़ा ने देवो,
खेजड़ली रा खेत्रपाल,
कृपा खूब करो महाराज,
मनड़ो लाग्यो ओ भेरूजी,
थारे चरणां में।।
थाने नितरा जोडां हाथ,
म्हारा बाबा भैरवनाथ,
थारो तोलियासर धाम,
प्यारो लागे महाराज,
मनड़ो लाग्यो ओ भेरूजी,
थारे चरणां में।।
Singer / Upload – Malchand Sharma
9166267551
बहुत ही भव्य भजन है अति सुन्दर सुनकर मन गदगद हो गया। जय भैरव नाथ सब पर कृपा करो।